Dei lette stega .....

 

Dørklinka trykkast forsiktig ned, det knirkar litt i det døra går opp.

Lette steg over loftsgolvet, og eg kan høyre du "smiler" i det du kjem nedover trappa,

og seier eit forsiktig HALLO.  Den gode kjensla breiar seg i kroppen,

og eg veit det blir nok ein fantastisk dag i lag med deg.

Vi nyter den tidlege morgonstunda,

og den gode kjensla over at nok ein dag ligg ubrukt og ny framfor oss.

 

Du har fått meg opp av sofakroken og ut på trimturar. 

Sætrevegen har vore vår plass om morgonen.

Det er sjølvsagt umogeleg å følge deg på din trening,

men dei lette stega mot grusen fortel meg at snart krysses våre spor på vår daglege trimtur.

Du på veg nedover ,og eg på veg oppover.

Det har blitt ei vane no , og dersom eg stoppar opp og høyrer ekstra godt etter......

er det som dei lette stega kjem over grusvegen,

sjølv om du er fleire tusen kilometer unna.

Vi har kost oss på øya vår i sommar, plukka bær,

tatt båtturar og besøkt bestemor og bestefar.

Vore ein tur til min fødestad, og der fekk eg vist deg litt av det som finnast.

Men det skal bli fleire turar dit, og då skal vi gå i lag på dei stiane eg ein gong gjekk med lette steg.

Det er så mykje eg vil vise deg.

     

Du har valgt å satse fullt og heilt på idretten din,

og samstundes vere fulltidsstudent på universitetet i Dallas.

Du er strukturert og målbevist, og har satt deg både korte- og langsiktige mål på idrettsvegen din,

og med lette steg tek du eit trinn om gongen. 

 

Regn og gråver har prega sommaren,

men du har gitt meg og pappa lys og varme og vore SOLA vår både inne og ute.

Dei fleste seier at tida går fort, berre 4 månader til ho kjem heim....... men det er lang tid for meg.

Ein vil så gjerne ha sine så nært som mogleg.

Slik er det ikkje no, men om 1,5 år er du ferdig med Bachelor graden din,

og ein ny kvardag ventar ein eller annan stad her i heimlandet ditt.

Sjølv om du er langt unna, kan eg følge deg......

eg har sett kor fint du har fått det i den nye leiligheta di,

og at du har det bra.

Du bur saman med dine to beste venninner som har same lidenskap som du,

og no er det dei som høyrer dei lette stega over golvet.......

    

 

 

Mykje har gått gjennom hendene.........

 

 

 

Mykje handarbeid har gått gjennom hendene denne vinteren :o)

Og alt skal gis vekk, og noko er sendt over Atlanteren til Dallas, Texas.

Babyteppet skal bornebornet mitt svøpas inn i når det kjem til verda i september.

Mangla berre litt på ytterste borden so er det klart :o))

No ha denne dama starta å strikke noko til seg sjølv også, og det er lenge sidan sist.

Lille tunika i garnet Limbo kjøpt på Garnkroken i Ørsta :o))

Som har strikkekafè kvar torsdag frå kl. 18.00, Ta deg ein tur då vel viss du er i nærleiken :o))

Mønsteret kjem frå Strikkemagasinet, eit blad som kjem ut ein gong i månaden :o))

Godt i gong med bakstykket..... er spent på resultatet.

Nyt "VÅREN"

Strikkesmil frå Lill