Nytt Vitrineskåp

Idag har vi vore på fabrikkutsal på Sandvik Møblar i Ørsta og der slo vi til med nytt kvitt vitrineskåp som passa perfekt til spisestua som er 57 år gamal
( brylluppsgåve til mamma og pappa i 1951 ). Spisestua har vore måla to gonger, men har berre ikkje hjarte til å kvitte meg med den, monge gode minner frå svunnen tid:) Endå betre blir det når veggane blir måla lysare. Mormors gamle kaffiserviser kom fram i lyset att! No er skapet fylt opp med glas og andre dilledallerier, og mor i huset er STORFORNØGD!

Silje får besøk i Dallas, Texas

Idag reiser Silje sin trenar, Magne, til Oslo og vidare til Dallas for å vere saman med Silje over ei veke. Det blir kjekt å få besøk og han har vore der to gongar før:) Universitetsområdet på SMU er heilt fantastisk. Store parkar og grøntanlegg og alle hus er bygd i mustein med store kvite søyler utanfor. Området er stort, det går 11000 studentar på SMU, og skal du gå tvers over området brukar du minst 30 minuttar. Her finn du butikkar, kafèar, lege, politi, postkontor og alt som ein treng i det daglege. Laget Silje spring på, The Mustangs, har eigen massør, fysioterapeut og lege til disposisjon. Så alt ligg tilrette på best mogleg måte:) Trenar Cathy Casey hjelper Silje og dei andre jentene på treningane, og alt ligg godt tilrette.